logo-antonvanwouw
Skryf in

Tuis

Vir meer as 100 jaar is Laerskool Anton van Wouw ’n tuiste van geloof, tradisie en trots.

Vandag leef daardie gees steeds voort - in elke klaskamer, op elke sportveld, op die verhoog… en in élke Wouwtjie se glimlag.

verken ons skool

WELKOM BY LAERSKOOL ANTON VAN WOUW

SÁÁM maak ons tyd vir u kind.

Ons krag lê in samewerking: ’n leierskapspan wat as eenheid funksioneer; toegewyde personeellede wat hul roeping uitleef en ouers wat sáám bou aan ’n sterk gemeenskap.

Ons Wouwtjies blink jaar na jaar uit op akademiese-, sport- en kulturele vlak, maar ons kultuur lê in méér as prestasie. Dit leef in die alledaagse: in respek tussen onderwyser en kind; in die uitleef van ons waardes en in die spesiale oomblikke wat ons as gemeenskap deel.

Dít is die gees wat wouwtjies uniek maak.

Virtuele toer

Stap gerus sáám deur ons pragtige skool.

Kyk nou
100jaar-merk

'n erfenis van 100 jaar

Laerskool Anton van Wouw maak al vir  meer as ’n eeu ’n
verskil in ons kinders se lewens en in ons gemeenskap.
Ons fondasie is vas, ons waardes is sterk en ons kyk vorentoe –
om sáám ’n toekoms van trots en uitnemendheid vir elke Wouwtjie te bou.
OP NÓG ‘N 100 JAAR! KOM KUIER GERUS!

Kyk Eeufeesjaar video
anton-van-wouw-stars (2)
sterre-wit
akademie
kultuur
sport

Word ‘n Wouwtjie-ouer

Skryf in

UIT DIE HOOF SE KANTOOR 

By Laerskool Anton van Wouw glo ons in ’n balans van sterk akademie, diep waardes en ’n gemeenskapsgees wat kinders vir die lewe vorm.

Vir meer as ‘n eeu doen ons doelbewus dinge anders – met geloof, tradisie en trots as ons fondament.

pencil-1
lees meer
skoolhoof-image
Sterre-geel-right-small
Sterre-geel-right-small

UIT DIE HOOF SE KANTOOR

By Laerskool Anton van Wouw doen ons al vir byna 100 jaar dinge anders. Sedert die skool se ontstaan is dit ons roeping om vir elke leerder ’n sterk, gebalanseerde akademiese grondslag te bied, sodat hulle eendag hul eie lewensverhaal van betekenis en sukses kan skryf. Ons fokus is eenvoudig: om kinders toe te rus met die kennis, vaardighede en denkvermoë wat hul wêreld oopsluit – in die klaskamer, in die werksplek en in die lewe.

By Anton van Wouw weet ons dat ware onderwys méér is as punte, rapporte en eksamens. Waardes, tradisie en kultuur vorm die weefsel van ons daaglikse lewe. Respek, verantwoordelikheid, volharding en saamstaan is nie net woorde nie; dit is gewoontes wat ons bewustelik in ons kinders se harte inbou. Ons vier ons ryk geskiedenis – die stories, simbole en gebruike wat oor geslagte opgebou is, omdat dit aan elke Wouwtjie ’n gevoel van behoort, trots en identiteit gee.

Die belangrikste pilaar van ons identiteit is egter ons geloof. Alles wat ons doen, staan onder God se leiding. Hy is die middelpunt van ons besluitneming, ons verhoudings en ons drome vir die toekoms. Ons wens vir elke leerder is dat hulle God se hand in hul lewe sal raaksien, hul gawes met nederigheid sal uitleef en met ’n diep sin vir betekenis en doel deur die wêreld sal stap.

In ’n wêreld wat vinnig verander, waar tegnologie, inligting en nuwe uitdagings deel van die alledaagse is, help ons leerders om aanpasbaar, kreatief en krities te dink. By Anton van Wouw neem ons die wysheid en stabiliteit van die afgelope 100 jaar, verbind dit met die eise en moontlikhede van vandag, en bou doelbewus aan ’n toekoms waarin elke leerder met selfvertroue hul plek kan inneem.

In vennootskap met ouers en die gemeenskap berei ons ons kinders voor om betekenisvolle bydraes te maak – nie net vandag nie, maar ook vir die volgende 100 jaar en verder.

Welkom by Laerskool Anton van Wouw: waar ’n trotse verlede, ’n lewendige hede en ’n hoopvolle toekoms deel vorm van elke leerder se storie.

Me. Odette Klopper
Skoolhoof
Laerskool Anton van Wouw